साहित्य
गजल
लीलाराज दाहालका दुई गजल
लीलाराज दाहाल
गजल १
नबोली नबोली तिमी छेउ आयौ
र ढोकै नखोली तिमी छेउ आयौ !
सुहाएन प्यारी नयनको इसारा
दबाएर बोली तिमी छेउ आयौ !
बडा चाडमा आऊ भन्दा नमानी
न माघी न होली तिमी छेउ आयौ !
रमाऊँ खुसीले थियो आस ठूलो
लिई रित्तो झोली तिमी छेउ आयौ !
म हेरूँ कसोरी नियालेर प्यारी
न घुम्टी न चोली तिमी छेउ आयौ !
उठाऊँ कि प्याला थिएँ सोचमा यो
अझै मात घोली तिमी छेउ आयौ !
०००
गजल २
स्वार्थको झोला बोकेका छन् उनले
झोलामा खोला बोकेका छन् उनले !
केटाकेटी भनी झुक्याउन होला
हेर कोकाकोला बोकेका छन् उनले !
तस्करी गर्छन् हिरा जबाहरातको
तोलाका तोला बोकेका छन् उनले !
सानालाई भेटे त ताकेरै हान्छन्
हातमा सोला बोकेका छन् उनले !
भित्र राक्षसीपन छ, बाहिर भने
मान्छेको चोला बोकेका छन् उनले !
(वाग्मती–११, सर्लाही)
प्रकाशित मिति: शनिबार, जेठ ३१, २०८२ १२:०९
प्रतिक्रिया दिनुहोस्
सम्बन्धित समाचार
सिफारिस
प्रवास
कार्टुन
भिडियो
-1749017675.jpg)
विचार
अन्तर्वार्ता
-1749010126.jpg)
ब्लग
लोकप्रिय
