२५ करोड माहुरी भागेपछि सावधानी अपनाउन अमेरिकी प्रहरीको चेतावनी

विदेश

२५ करोड माहुरी भागेपछि सावधानी अपनाउन अमेरिकी प्रहरीको चेतावनी

शनिबार, जेठ १७, २०८२

२५ करोड माहुरी भागेपछि सावधानी अपनाउन अमेरिकी प्रहरीको चेतावनी

लस एन्जलस । पश्चिमी अमेरिकामा प्रहरीले मानिसलाई माहुरीको झुन्डबाट जोगिन आग्रह गरेको छ । अमेरिकाको सुदूरउत्तरपश्चिमस्थित वासिङटन राज्यमा एउटा सेमिट्रेलर ट्रक दुर्घटना हुँदा २५ करोड माहुरी ‘भागेका’ले प्रहरीले स्थानीयलाई सावधानी अपनाउन भनेको हो ।

ह्वाटकम काउन्टी शेरिफले आफ्नो सामाजिक सञ्जाल पेजमा लेखेको छ, “अहिले २५ करोड माहुरी एकसाथ भागेका छन् । माहुरी भाग्ने क्रममा बीचमा आउने अवरोधले आक्रामक हुने र एकै ठाउँमा झुम्मिने र टोक्ने सम्भावनाको कारण यस क्षेत्रमा सावधानी अपनाउनुहोला ।”

क्यानाडासँग सीमा जोडिएको र भ्यानकुभरबाट ३० माइलको दूरीमा रहेको उक्त क्षेत्रका माहुरी विशेषज्ञले सफाइका निम्ति काम गरिरहँदा सडक बन्द गरिएको छ । रासस/एएफपी