रवीन्द्र मिश्रको बन्दीप्रत्यक्षीकरण रिटमा बहस सकियो

राजनीति

शुक्रबार, जेठ २, २०८२

रवीन्द्र मिश्रको बन्दीप्रत्यक्षीकरण रिटमा बहस सकियो

काठमाडौं । राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रवीन्द्र मिश्रको बन्दीप्रत्यक्षीकरण रिटमा बहस सकिएको छ । शुक्रबार बिहान सुरु भएको बहस कार्यालय समय सकिएपछि मात्र सकिएको हो ।

उक्त रिटमा आदेश लेखनको काम भइरहेको सर्वोच्च स्रोतले जानकारी दिएको छ । तर, विद्युत् पटक पटक आउने/जाने हुँदा आदेश आउन केही ढिला हुनसक्ने सूचना अधिकारी निराजन पाण्डेले जानकारी दिए ।

गत चैत १५ गते तीनकुनेमा भएको राजावादी आन्दोेलनका क्रममा भएको तोडफोड, आगजनीसहितमा प्रदर्शनकारीलाई उक्साएको आरोपमा सोही दिन पक्राउ परेका मिश्र अदालतको आदेशमा म्याद थप हुँदै थुनामा छन् ।

थुनाविरुद्ध ४५औँ दिन (मंगलबार)मा उनकी श्रीमती सारिका कार्कीले बन्दीप्रत्यक्षीकरणको रिट दर्ता गरेकी थिइन् ।