काठमाडौं । युक्रेनको खेरसनमा ड्रोन आक्रमणमा सातजनाको मृत्यु भएको छ भने २० भन्दा बढी घाइते भएका छन् । यो क्षेत्र हाल रुसको नियन्त्रणमा छ ।

दक्षिणी युक्रेनको खेरसनको रुसी नियन्त्रित भागमा युक्रेनी ड्रोन आक्रमण भएको रुसी गभर्नर भ्लादिमिर साल्डोले बताएका छन् ।

भ्लादिमिर साल्डोले भने, "युक्रेनले स्थानीय समय अनुसार बिहान करिब ९ः३० बजे ओलेस्कीको बजारमा आक्रमण गरेको थियो ।"

यसअघि रुसी आक्रमणमा दुई युक्रेनी नागरिकको मृत्यु भएको खबर आएको थियो । युक्रेनी राष्ट्रपति भोलोडिमिर जेलेन्स्कीले रातको समयमा रुसी ड्रोन आक्रमणको विरोध गरेका छन् । उनले ओडेसा सहरमा २१ वटा ड्रोन आक्रमण भएको बताए । यसका कारण धेरै ठाउँमा आगलागी भयो र धेरै मानिसहरूको मृत्यु भयो । उनले किभ र सुमी लगायत अन्य क्षेत्रहरूमा पनि आक्रमण भएको बताए । बीबीसी