काठमाडौं । शिक्षकले सोमबार (वैशाख १५) २७औँ दिन पनि काठमाडौंमा सडक आन्दोलनलाई निरन्तरता दिएका छन् । विद्यालय शिक्षा ऐन तत्काल जारी गर्न माग गर्दै उनीहरूले माइतीघर–नयाँ बानेश्वर क्षेत्रमा प्रदर्शन गर्दै आएका छन् ।

यस दिन कतिपय शिक्षक छाता ओढेर प्रदर्शनमा सहभागी भए । आइतबार (वैशाख १४) वर्षा हुँदा उनीहरू भिजेका थिए । प्रहरीसँग झडप हुँदा केही शिक्षक घाइते पनि भए ।

नेपाल शिक्षक महासंघको अगुवाइमा देशभरका सामुदायिक विद्यालयका शिक्षक गएको चैत २० गतेदेखि काठमाडौंमा सडक आन्दोलनमा छन् ।

थप तस्बिर हेर्नोस्–