काठमाडौं । प्रशासनले तोकेको काठमाडौंका निषेधित क्षेत्रमा प्रहरीको संख्या बढाइएको छ । राष्ट्रिय प्रजातन्त्र पार्टी (राप्रपा)का नेताले आज (वैशाख ७) गर्ने प्रदर्शनलाई मध्यनजर गर्दै संख्या बढाइएको प्रहरीले जनाएको छ ।

प्रहरी स्रोतका अनुसार, राप्रपा नेताले निषेधित क्षेत्र तोड्ने चेतावनीसहित प्रदर्शन गर्न लागेपछि उच्च सतर्कताका साथ प्रहरी परिचालन गरिएको छ । अरू बेला उपत्यकामा खटिएको संख्याभन्दा दोब्बर प्रहरी परिचालन गरिएको छ ।

प्रहरी प्रधान कार्यालयसहित विभिन्न गणमा कार्यरतलाई समेत आन्दोलनमा सुरक्षाका निम्ति खटाइएको छ । माइतीघर, नयाँ बानेश्यर, राष्ट्रपति भवन र सिंहदरबारलगायत क्षेत्रमा ठूलो संख्यामा प्रहरी परिचालन गरिएको छ ।

माइतीघर–तीनकुने सडकखण्ड पूर्ण रूपमा बन्द गरिएको छ । राप्रपाले भने केही नेता मात्र प्रदर्शनमा सहभागी हुने जनाएको छ ।