site stats
बाह्रखरी :: Baahrakhari
अर्थ व्यवसाय
Global Ime bankGlobal Ime bank
एनसेल उत्कृष्ट बहुराष्ट्रिय कम्पनीका रूपमा सम्मानित

काठमाडौं । निजी क्षेत्रको पहिलो जीएसएम मोबाइल सेवाप्रदायक कम्पनी एनसेल ‘कर्पोरेट बिजनेस अवार्ड २०२५’ बाट सम्मानित भएको छ । कम्पनीले बिहीबार यो सम्मान बहुराष्ट्रिय कम्पनीको विधामा ‘मल्टिनेसनल कम्पनी अफ द इयर’का रूपमा पाएको हो ।

रक्षामन्त्री मानवीर राई, कृषि तथा पशुपक्षी विकासमन्त्री रामनाथ अधिकारी, उद्योग वाणिज्य महासंघकी भूतपूर्व अध्यक्ष भवानी राणा, कर्पोरेट मिडिया ग्रुपकी उपाध्यक्ष सुष्मा महराले संयुक्त रूपमा यो अवार्ड एनसेललाई प्रदान गरे । एनसेलका तर्फबाट कम्पनीकी मार्केटिङ, कम्युनिकेसन एन्ड सस्टेनिबिलिटी डाइरेक्टर पुनम सिंहले यो अवार्ड ग्रहण गरिन् ।

एनसेल देशमा सञ्चार तथा सूचना प्रविधिको विकासमा ठूलो भूमिका खेल्दै विगत दुई दशकदेखि अत्यावश्यक दूरसञ्चार सेवा प्रदान गर्दै आएको कम्पनी हो । र, सबैभन्दा धेरै कर तिर्ने ठूलाकरदातामध्ये एक हो ।

स्थापनाकालदेखि गत आर्थिक वर्ष २०८०/८१ सम्ममा कम्पनीले कर र शुल्कबापत ३२० अर्ब रुपैयाँभन्दा बढी योगदान गरिसकेको छ । 

यस्तै, कम्पनीले शिक्षा, वातावरण र स्वास्थ्यजस्ता प्राथमिक क्षेत्रमा केन्द्रित रही आफ्नो व्यावसायिक सामाजिक जिम्मेवारी (सीएसआर)अन्तर्गत दुई अर्बभन्दा बढीको योगदान गरिसकेको छ । त्यसले संयुक्त राष्ट्रसंघीय दिगो विकास लक्ष्य हासिल गर्न सरकारलाई सहयोग पुर्‍याएको छ ।

कर्पोरेट मिडिया ग्रुपको १७औँ संस्करणको ‘कर्पोरेट बिजनेस अवार्ड २०२५’ को समारोहमा यो सम्मान एनसेललाई प्रदान गरिएको हो । ग्रुपले आफ्नो कर्पोरेट म्यागजिनको १७औँ वार्षिकोत्सवका अवसरमा कर्पोरेट बिजनेस अवार्ड प्रदान गर्दै विभिन्न उद्योग, व्यवसाय क्षेत्रका प्रतिष्ठित संघसंस्था तथा व्यक्तिहरूलाई सम्मान गरेको छ ।

प्रकाशित मिति: शुक्रबार, चैत २२, २०८१  १६:१०
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro