काठमाडौं । जिल्ला प्रशासन कार्यालय काठमाडौंले तीनकुने क्षेत्रमा कर्फ्यू लगाउने तयारी गरेको छ । राजावादीको प्रदर्शन अराजक बनेपछि प्रशासनले कर्फ्यू लगाउने भएको हो ।

गृहमन्त्रालय स्रोतका अनुसार, तीनकुने क्षेत्रको चार किल्ला क्षेत्रमा कर्फ्यू लगाउने तयारी गरिएको छ ।

राजावादीको समूहले निजी व्यक्तिको घरमा ढुंगामुढा गरेर आगजनी गरेका छन् । प्रहरीले प्रदर्शन तितरबितर पार्न दर्जनौँ अश्रुग्यास प्रहार गरेको थियो । प्रदर्शनकारीले एउटा सरकारी गाडीमासमेत आगजनी गरेका छन् ।