काठमाडौं । नेपाली महिला राष्ट्रिय फुटबल टोलीकी कप्तान अञ्जिला तुम्बापो सुब्बाको जीवनमा आधारित नेपाली चलचित्र ‘अञ्जिला’ १६ वटा देशमा एकसाथ रिलिज हुने भएको छ । 

‘अञ्जिला’ अमेरिका, क्रोएसिया, कतार, बहराइन, माल्टा, डेनमार्क, पोर्चुगल, हङकङमा रिलिज भएको छ । दक्षिण कोरिया, फिनल्यान्ड, क्यानडा, दुबई, सिंगापुर, जापान, बेल्जियम र स्विडेनमा एकसाथ रिलिज हुने भएको निर्माता प्रेमकुमार श्रेष्ठले बताए । 

बेलायतका विभिन्न सहरमा चलचित्र रिलिज हुने उनले जानकारी दिए । ‘अञ्जिला’ मार्च २९ बाट प्रदर्शन हुनेछ ।

फागुन २९ गते नेपालमा प्रदर्शन भएको चलचित्र अन्य देशमा पनि रिलिज हुन लागेको हो । 

समीक्षक तथा दर्शकबाट सकारात्मक प्रतिक्रिया पाएको ‘अञ्जिला’ले नेपालमा उल्लेखनीय व्यापार गरिसकेको निर्माणपक्षले जनाएको छ । 

‘अञ्जिला’ मिलन चाम्सले निर्देशन गरेका हुन् । शीर्ष भूमिकामा एन्जिला आफैँले अभिनय गरेकी छन् । चलचित्रमा माओत्से गुरुङ, दयाहाङ राई, सिर्जना सुब्बा, सुमिन गुरुङ, सुनील थापा, बुद्धि तामाङ, विजय बराल, मञ्जु श्रेष्ठलगायत कलाकारको अभिनय रहेको छ ।