काठमाडौं । ललितपुरमा ट्रकको ठक्करबाट एक साइकलयात्रीको मृत्यु भएको छ । गए राति नख्खुमा ट्रकले ठक्कर दिँदा साइकलयात्री खोकनाका हेमरन्त महर्जनको मृत्यु भएको जिल्ला प्रहरी परिसर ललितपुरका एसपी नरहरि रेग्मीले जानकारी दिए ।

रा१ख९५१ नम्बरको ट्रकको ठक्करबाट उनी गम्भीर घाइते भएका थिए । उपचारका क्रममा मंगलबार (फागुन १३) मेडिसिटी अस्पतालमा उनको मृत्यु भएको एसपी रेग्मीले बताए ।

ठक्कर दिने ट्रक र चालक प्रहरीको नियन्त्रणमा छन् ।