काठमाडौं । धितोपत्र दोस्रो बजार मापक नेप्से परिसूचक आइतबार (फागुन ११) ११.६६ अंकले बढेको छ । नेप्से ०.४२ प्रतिशतले बढेर २७५५.४० को विन्दुमा पुगेको छ ।

यस दिन ११ अर्ब ५४ करोड ८३ लाख रुपैयाँमा दुई करोड १२ लाख ६ हजार पाँच कित्ता सेयर किनबेच भयो । कारोबारमा रहेका १३ मध्ये ६ समूहको समूहगत परिसूचक घट्यो । सात समूहको परिसूचक बढेको नेपाल स्टक एक्सचेन्ज (नेप्से)ले जनाएको छ ।

९२ कम्पनीको सेयर मूल्य बढेको छ । १४७ कम्पनीको सेयर मूल्य घटेको छ । चार कम्पनीको सेयर मूल्य स्थिर छ ।

सबैभन्दा धेरै कमाउनेमा गार्जियन माइक्रोलाइफ इन्स्योरेन्सको सेयर मूल्य सर्वाधिक १० प्रतिशतले बढेको छ । सबैभन्दा धेरै उपकार लघुवित्तको सेयर मूल्य ६.७९ प्रतिशतले घटेको छ ।