विदेश

काठमाडौं । अमेरिकी अर्बपति उद्यमी एलन मस्कको आर्टिफिसियल इन्टेलिजेन्स कम्पनीले एक्सएआई ग्रोक ३ सार्वजनिक गर्ने भएको छ । मस्कले सोमबार ग्रोक ३ डेमो लाइभसहित सार्वजनिक हुने बताएका हुन् ।
गत साता मस्कले ग्रोक ३ डेभलपमेन्टको अन्तिम चरणमा रहेको र चाँडै सार्वजनिक हुने बताएका थिए । मस्कको एक्सएआईले ओपनएआईको च्याटजीपीटीलाई टक्कर दिन खोजेको छ ।
पछिल्लो समय विश्वभर नेचुरल ल्यांग्वेज प्रोसेसिङ गर्ने एआईहरूको व्यापक विकास भइरहेको छ । यसबीच चिनियाँ कम्पनीले कम लागत र चिपमै शक्तिशाली एआई डिपसिक बनाएपछि अमेरिकी कम्पनीहरूलाई सुलभ र अब्बल एआई बनाउन चुनौती थपिएको छ ।
प्रकाशित मिति: आइतबार, फागुन ४, २०८१ ११:५९
प्रतिक्रिया दिनुहोस्