काठमाडौं । नेकपा एमालेको सचिवालय बैठक बस्ने भएको छ । पार्टी केन्द्रीय कार्यालय च्यासलमा बैठक आज अपराह्न ४ बजे बस्नेछ । 

बैठकमा एमाले प्रवेश गर्ने तयारीमा रहेका नेता वामदेव गौतमका विषयमा छलफल हुनेछ । गौतमलाई पार्टीमा के जिम्मेवारी दिने भन्नेबारे सचिवालयमा छलफल हुन लागेको हो । 

संसद्को दिउँसो अधिवेशनका विषयमा पनि छलफल हुने नेताहरूले जानकारी दिएका छन् । 

• वामदेव गौतम भन्छन्– एमालेमै जाँदै छु

नेकपा एकता राष्ट्रिय अभियानका संयोजक गौतम एमालेमा फर्किने तयारीमा छन् । आइतबार बिहान प्रधानमन्त्रीसमेत रहेका नेकपा (एमाले)का अध्यक्ष केपीशर्मा ओलीसँग फोनवार्ता भएको थियो ।

फोन वार्तापछि उनले आफू एमालेमा नै जान तयार भएको प्रतिक्रिया दिएका थिए ।