काठमाडौं । उपप्रधान तथा अर्थमन्त्री विष्णुप्रसाद पौडेलले बजार हल्ला जस्तो अर्थतन्त्र र बैंक डुब्न नदिने बताएका छन् । आइतबार अर्थ मन्त्रालयमा आयोजित पत्रकार भेटघाटमा यस्तो बताएका हुन् ।

"हामी अर्थतन्त्र पनि डुब्न दिँदैनौँ । बैंक पनि डुब्न दिँदैनौँ" मन्त्री पौडेलले भने, "बजारमा एकथरी मानिस भ्रम छरिरहेका छन् । त्यो सत्य हैन । अर्थतन्त्र सुधारउन्मुख छ ।"

त्यस्तै, अर्थ मन्त्रालयले तथ्यमा चिट नगर्ने उनले बताए । "हामीले जिम्मेवारी लिँदा सूचक नकारात्मक थिए । हाल हामीले सकारात्मक दिशामा फर्काएका छौँ," मन्त्री पौडेलले भने ।