काठमाडौं । सामाजिक सञ्जाल एक्सले आर्टिफिसियल इन्टेलिजेन्स (एआई)बाट निर्मित फोटो तत्काल बनाएर पोस्ट गर्न सकिने फिचर ल्याएको छ ।

एक्समा पोस्ट गर्ने ठाउँमा टेक्स्ट, फोटो, गिफ, इमोजीसँगै ग्रोक एआई पनि समावेश गरिएको हो । ग्रोक एआईको आईकनमा क्लिक गरेर आफूले प्रम्पट दिएर तत्काल फोटो बनाएर पोस्ट गर्न सकिन्छ ।

फोटोबाहेक पोस्ट लेख्न तथा इमेल लेख्ने जस्ता कामका लागि समेत ग्रोक एआईको सहायता लिनसकिने सुविधा थपिएको छ ।

यो फिचर वेब तथा मोबाइल एप दुवैमा उपलब्ध भएको छ ।