काठमाडौं । प्रधानमन्त्री तथा (नेकपा) एमालेका अध्यक्ष केपी शर्मा ओलीले अरु पार्टीहरूको काम एमालेको बारेमा अफवाह फैलाउने नै भएको टिप्पणी गरेका छन् । आइतबार च्यासलमा आयोजित पार्टी प्रवेश कार्यक्रममा उनले आफूहरूलाई देश कसरी बनाउने भन्ने चिन्ता रहेको सुनाए ।

“हामीले काम गरेर देश बनाउनुपर्नेछ । अरुलाई हाम्रो विरोध गरेर, अफवाह फैलाएर आफू चाहिँ...,” एमाले र अरु पार्टीको अन्तर सुनाउँदै ओलीले भने, “आफू राम्रो हुँ भन्न सक्दैनन् । एमाले खराब भन्छन् ।”

उनले मान्छेहरू एमालेमा पनि केपी ओली खराब भन्दै सिध्याउन लागि परेको दाबी गरे ।  

“अहिले धेरै मान्छे एमाले खराब हो । एमालेमा केपी ओली खराब हुन् । यिनलाई सिध्याउने कसरी ?,” ओलीको टिप्पणी छ । एमालेले सबैलाई समेटेर जाने पनि ओलीले बताए । एमाले ट्यालेन्टहरूको पार्टी भएको दाबी गरे ।