काठमाडौं । सर्वोच्च अदालतले एनसेलविरुद्ध सांसद डा. अमरेशकुमार सिंहले दायर गरेको रिट खारेज गरेको छ । 

सर्वोच्चले प्रभावकारी नियमन गर्न नेपाल दूरसञ्चार प्राधिकरण (एनटिए) र कानुनको पालना गर्न एनसेललाई निर्देशनात्मक आदेश जारी गरेको छ।

स्वतन्त्र सांसद सिंहले गत मंसिर २२ मा एनसेल बिक्री रोक्न माग गर्दै सर्वोच्च अदालतमा एनसेल आजियाटा लिमिटेडविरुद्ध रिट दायर गरेका थिए ।

नेपालको कानुनी प्रक्रिया छलेर राज्यलाई हानि पुग्ने गरी अपारदर्शी तवरमा सेयर खरिद–बिक्री भएको दाबी गर्दै उक्त कारोबारलाई मान्यता नदिन उनले माग गरेका थिए । 

सर्वोच्च अदालतले यसअघि पुस ३ मा एनसेलको ८० प्रतिशत सेयर बिक्रीविरुद्ध परेको मुद्दामा कारण देखाऊ आदेश जारी गरेको थियो ।