काठमाडौं । यूईएफए च्याम्पियन्स लिगमा जर्मन क्लब बोरुसिया डर्टमन्डले डाइनामो जग्रेबविरुद्ध ३–० को सहज जित निकालेको छ ।

बुधबार राति डाइनामोकै घरमा भएको खेलमा डर्टमन्डलाई जित दिलाउन जेमी जिटेन्स, रामी बेन्सेबाइनी र सेहोउ गुइरासीले गोल गरे । डर्टमन्डले पहिलो हाफमा एक र दोस्रो हाफमा दुई गोल थपेको हो ।

खेलको ४१औँ मिनेटमा जिटेन्सको गोलमा डर्टमन्डले अग्रता बनाएको थियो । ५६औँ मिनेटमा बेन्सबाइनीले पाहुना टिमको अग्रता दोब्बर बनाए । ९०औँ मिनेटमा गुइरासीले टिमका निम्ति तेस्रो गोल गरेपछि डर्टमन्डले सहज तीन अंक पक्का गरेको हो ।

जितसँगै पाँच खेलबाट १२ अंक जोडेको डर्टमन्ड तालिकाको चौथो स्थानमा उक्लिएको छ । डर्टमन्ड शीर्ष स्थानको लिभरपुलभन्दा तीन अंकले पछाडि छ । समान खेलबाट सात अंकको जग्रेब २३औँ स्थानमा छ ।

लिगमा बुधबार नै भएका अन्य खेलमा बेन्फिकाले एएस मोनाकोविरुद्ध ३–२ को, लिलले बोलोग्नाविरुद्ध २–१ को र पीएसभी आइन्डोभनले सख्तर डोनेस्कविरुद्ध ३–२ को जित निकालेको छन् । यस्तै, युभेन्ट्स र एस्टन भिल्लाले गोलरहित बराबरी खेल्दै अंक बाँडेका छन् ।