भरतपुर । चितवनमा बोलेरोले ठक्कर दिँदा साइकलयात्रीको मृत्यु भएको छ । भरतपुर महानगरपालिका–५ स्थित नयन चोकमा आज मध्यान्न १२ बजे ना४च ६९५१ नम्बरको बलेरोले ठक्कर दिँदा साइकल चालकको मृत्यु भएको हो ।

मृत्यु हुनेमा पर्सा सखुवापर्सौनी गाउँपालिका–४ घर भई हाल गैँडाकोट नगरपालिका–५ मा डेरा गरी बस्दै आएका १७ वर्षीय इशान अन्सारी रहेका छन् ।

बलेरोको ठक्करबाट गम्भीर घाइते भएका अन्सारीको भरतपुर अस्पतालमा उपचारको क्रममा मृत्यु भएको जिल्ला प्रहरी कार्यालय चितवनका प्रवक्ता भेषराज रिजालले बताए । ठक्कर दिने बलेरो र चालक प्रहरी नियन्त्रणमा रहेका छन् । रासस