काठमाडौं । नेपाली बजारमा सुनको मूल्य एकै दिन २२ सय रुपैयाँ बढेर हालसम्मकै उच्च मूल्यमा कारोबार भएको छ । नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ७० हजार ७०० रुपैयाँमा कारोबार भइरहेको छ । सुनको आजको मूल्य हालसम्मकै उच्च हो ।

मंगलबार छापावाल सुन एक लाख ६८ हजार ५०० रुपैयाँमा कारोबार भएको थियो ।

आज चाँदीको मूल्य पनि १५ रुपैयाँ बढेर दुई हजार १२० रुपैयाँमा कारोबार भइरहेको छ । मंगलबार चाँदी प्रतितोला दुई हजार १०५ रुपैयाँमा कारोबार भएको थियो ।