काठमाडौं । राष्ट्रिय प्रजातन्त्र पार्टी (राप्रपा)का सांसद बुद्धिमान तामाङले सरकारको काम–कारबाही एकपक्षीय रहेको आरोप लगाएका छन् । ऐन–कानुन सबैलाई समान रूपमा लागु गरिनुपर्नेमा उनले जोड दिए ।

प्रतिनिधिसभाअन्तर्गतको राज्यव्यवस्था तथा सुशासन समितिको सोमबारको बैठकमा उनले विभिन्न प्रकरणमा सत्तापक्षका नेता–कार्यकर्तालाई उन्मुक्ति दिने गरी सरकार अगाडि बढेको टिप्पणी गरे ।

“जसले बाहिर बस्दा भ्रष्टाचारको विरोध गर्ने, भित्र बसेर ठूला–ठूला भ्रष्टाचार गर्ने नै गर्ने देखियो,” उनले भने, “सरकारको रवैया एकपक्षीय ढंगले गरेको देखिएको छ । ऐन–कानुन समान होला नि, सत्तापक्षलाई छाड्ने ।”

बैठकमा नेकपा (माओवादी केन्द्र)का सांसद हितराज पाण्डेले सुशासन जनताले अनुभूत गर्ने विषय भएको बताए । अख्तियार दुरुपयोग अनुसन्धान आयोग ऐन, २०४८ लाई संशोधन गर्न बनेको विधेयकमाथि सैद्धान्तिक छलफलका क्रममा उनले सरकारले काखा र पाखा गर्ने गरेको जिकिर गरे ।

ऐनको कार्यान्वयन महत्त्वपूर्ण विषय भएको उनले उल्लेख गरे । “अहिले जनताको तहमा भ्रष्टाचार निवारणका कुरा आइरहेका छन्, जनताले अनुभूत गर्ने भएको छैन,” उनले भने, “भर्खरै दानदातव्यका कुरा आएका छन् । भ्रष्टाचारका फाइल टुंगोमा पुर्‍याउने र विश्वास गर्नेमा आशंका भइरहेका छन् ।