काठमाडौं । साओमीले नेपाली बजारमा दुई नयाँ ट्याब्लेट रेड्मी प्याड प्रो ५जी र रेड्मी प्याड एसई ८.७ ४जी सार्वजनिक गरेको छ ।

रेड्मी प्याड प्रो ५जीमा १२.१ इन्चको २.५ के अल्ट्रा–क्लियर डिस्प्ले र स्न्यापड्र्‍यागन ७ एस जेन २ प्रोसेसर छ । यस्तै, रेड्मी प्याड एसई ८.७ ४जीले कम्प्याक्ट मनोरञ्जन अनुभव प्रदान गर्ने कम्पनीले जनाएको छ ।

ट्याब सार्वजनिक गर्दै शाओमी नेपालका कन्ट्री जनरल म्यानेजर मनु मनास्वीले प्रयोगकर्ताको विविध आवश्यकता पूरा गर्न लगातार नयाँ उत्पादन ल्याउँदै आएको बताए । उनले भने, “रेड्मी प्याड प्रो ५जी र रेड्मी प्याड एसई ८.७ ४जीको नेपालमा लन्च गर्नुको मुख्य उद्देश्य भनेको हाम्रा प्रयोगकर्तालाई एड्भान्सड प्रविधि उपलब्ध गराउनु हो ।”

रेड्मी प्याड प्रो ५जी
रेड्मी प्याड प्रो ५जीले उच्च गुणस्तरको प्रदर्शन र मनोरञ्जनात्मक अनुभव प्रदान गर्ने बताइएको छ । यसमा १२.१ इन्चको अल्ट्रा–क्लियर डिस्प्ले १६ः१० एस्पेक्ट रेसियो र २४९ पीपीआईको रिजोल्युसन छ । १२० हर्ट्जको एडाप्टिभ रिफ्रेस रेट र ६०० निट्सको याच बी यम ब्राइटनेस छ ।

यस ट्याब्लेटमा स्न्यापड्र्‍यागन ७ एस जेन २ प्रोसेसर छ । १०,००० एमएएच क्षमताको ब्याट्री र ३३ वाट फास्ट चार्जिङ सपोर्टले १४.४९ घण्टासम्म एचडी भिडियो प्लेब्याकको सुविधा छ ।

वाइफाई ६ई, डुअल सिम, डुअल ५जी सपोर्ट र शाओमी हाइपरओएसको साथमा रेड्मी स्मार्ट पेन र रेड्मी प्याड प्रो किबोर्डजस्ता एक्सेसरीले यो ट्याब्लेटलाई थप प्रोडक्टिभ बनाउन मद्दत गर्ने कम्पनीले जनाएको छ ।

रेड्मी प्याड एसई ८.७ ४जी
रेड्मी प्याड एसई ८.७ ४जीमा ८.७ इन्चको एलसीडी डिस्प्ले छ । यसमा ८४.४१ प्रतिशत स्क्रिन–टु–बडी रेसियो र ६०० निट्सको ब्राइटनेस छ ।

मिडियाटेक हेलियो जी ८५ प्रोसेसरद्वारा सञ्चालित यो ट्याब्लेटमा ६ जीबीको र्‍याम र ९० हर्ट्जको रिफ्रेस रेट छ । ट्याबेलटमा ६,६५० एमएएच ब्याट्री र १८ वाट फास्ट चार्जिङ सपोर्ट छ । यस्तै, १२८ जीबी आन्तरिक स्टोरेज र २ टीबीको एक्सप्यान्डेबल स्टोरेज सपोर्ट छ ।

मूल्य
रेड्मी प्याड प्रो ५जी ग्रेफाइट ग्रे र मिन्ट ग्रीन रङमा तथा उपलब्ध छ । ६ जीबी + १२८ जीबीको प्रतिमूल्य ३९,९९९ र आठ जीबी + २५६ जीबीको मूल्य ४४,९९९ रुपैयाँ कायम छ ।

यस्तै, रेड्मी प्याड एसई ८.७ ४जी ग्रेफाइट ग्रे, स्काई ब्लु र अरोरा ग्रीनमा उपलब्ध छ । यसको प्रतिमूल्य १९,९९९ रुपैयाँ तोकिएको छ ।

रेड्मी स्मार्ट पेनको मूल्य ६,४९९ रुपैयाँ कायम छ । रेड्मी प्याड प्रो किबोर्डको मूल्य पनि ६,४९९ रुपैयाँ रहेको कम्पनीले जनाएको छ ।