काठमाडौं । यूईएफए च्याम्पियन्स लिगको आफ्नो पहिलो खेलमा जर्मन क्लब बोरुसिया डर्टमन्डले क्लब ब्रागाविरुद्ध उसैको मैदानमा ३–० को जित निकालेको छ ।

बुधबार राति जान ब्रेडेल रंगशालामा भएको खेलमा पाहुना टिमलाई जित दिलाउन जेमी बाइनोइ–जिटेन्सले दुई र सेरहोउ गुइरासेले एक गोल थपे ।

खेलभर पोसेसनमा पनि ब्रागालाई दबाबमा राखेको डर्टमन्डले तीनवटै गोल दोस्रो हाफमा गरेको हो । ७६औँ मिनेटमा जिटेन्सले गोल गर्दै डर्टमन्डलाई अग्रतामा राखेका थिए । त्यसको १० मिनेटपछि उनैले डर्टमन्डको अग्रता दोब्बर बनाए । इन्जुरी समयमा गइरासेले गोल गरेपछि डर्टमन्डले ३–० को जित सुनिश्चित गरेको हो ।

जितसँगै पहिलो खेलबाटै तीन अंक जोडेको डर्टमन्ड तालिकाको चौथो स्थानमा उक्लिएको छ । पहिलो खेलमै हार व्यहोरेको ब्रागा भने तालिकाको ३२औँ स्थानमा छ ।

नयाँ संरचनाअनुसार सुरु भएको च्याम्पियन्स लिगको यस संस्करणमा ३६ टोली सहभागी छन् ।