काठमाडौं । भुक्तानी सेवा प्रदायक कम्पनी ईसेवाले दसैँ–तिहार र छठ पर्वलाई लक्षित गरेर ‘ईसेवा महाउत्सव : ईसेवाको कारोबारमा नामीको दामी कार’ योजना ल्याएको छ ।

योजना असोज १ देखि कार्तिक ३० गतेसम्म ईसेवाबाट जुनसुकै कारोबार गर्ने प्रयोगकर्ताहरूमध्ये एकले नामी इलेक्ट्रिक कार जित्न सक्ने छन् ।

अफरमा योग्य हुन आफ्नो आवश्यकताअनुरूप ईसेवाका जुनसुकै सेवाको प्रयोग वा ईसेवाबाट कारोबार गर्दा उक्त बम्पर उपहार जित्ने सकिने कम्पनीले जनाएको छ ।

साथै, एक सयको खेलमा हरेक महिना एक प्रयोगकर्ताले आइफोन १६ पनि जित्न सक्ने कम्पनीले जनाएको छ । यसमा प्रयोग भएको एक सय रुपैयाँ प्रयोगकर्ताको मोबाइल रिचार्जको रूपमा फिर्ता नै पाउन सक्ने कम्पनीको भनाइ छ ।

दैनिक अफरअन्तर्गत, अफरको समयावधिमा हरेक दिन निर्धारित समयका लागि फ्ल्यास सेलको रूपमा अफर आउने कम्पनीले जनाएको छ । उक्त सेलमा प्रयोगकर्ताहरूले तोकिएको समयमा अधिकतम छुट तथा क्यासब्याक पाउन सक्नेछन् ।

साप्ताहिकरूपमा आउने अफरमा भने हरेक हप्ताको मंगलबार ईसेवाका विभिन्न सेवाहरू; मोबाइल रिचार्ज, हवाई टिकट, इन्टरनेट बिल भुक्तानी, ईस्पिकर खरिद, बिमा भुक्तानीलगायतका सेवाहरूमा विशेष छुट तथा क्यासब्याक पाउन सक्नेछन् ।

यी अफरहरूबारे थप जानकारीहरू ईसेवाको फेसबुक, इन्स्टाग्राम पेजलगायत आधिकारिक सामाजिक सञ्जालमार्फत प्राप्त गर्न सकिने कम्पनीले जनाएको छ ।