काठमाडौं । नेकपा (एकीकृत समाजवादी)ले लिपुलेक र कालापानी भारतको हो भनेको विषयमा पार्टीका उपमहासचिव मेटमणि चौधरीलाई स्पष्टीकरण सोधेको छ । 

भदौ २५ गते प्राइम टीभीको 'जनता जान्न चाहन्छन्' कार्यक्रममा दिएको अन्तर्वार्तामा चौधरीले 'लिपुलेक र कालापानी भारतले दाबी प्रस्तुत गरेको छ, मलाई लाग्छ दाबी पुग्छ, उसको दाबी पुग्छ भारतले लिन पाउँछ' जस्ता अभिव्यक्ति दिएका थिए ।

 "अनेकौँ तथ्यहरूले उक्त भूभाग नेपालको हो भन्ने कुरा स्पष्ट पारेका छन् । हाम्रो पार्टीको समेत दाबीका आधारमा उक्त भूभाग संविधानको अंग बनाइएको कुरा सर्वविदितै नै छ । त्यसविपरीत, मुलुकको अखण्डता र सार्वभौसमसत्ताका विरुद्ध तपाईंले किन बोल्नु भएको हो ?" चौधरीलाई सोधिएको स्पष्टीकरणमा उल्लेख छ ।