पोखरा । राष्ट्रिय स्वतन्त्र पार्टी (रास्वपा) बाट निष्कासित पूर्वसांसद डा. ढाकाकुमार श्रेष्ठ पक्राउ परेका छन् । उनलाई कास्की प्रहरीले बिहीबार लागुऔषध मुद्दामा पक्राउ गरेको हो ।

श्रेष्ठको नाममा रहेको दिया फार्मेसीले औषधिजन्य लागुऔषध बिक्रीवितरण गरेको आरोपमा उनलाई पक्राउ गरिएको कास्की प्रहरी प्रमुख मोहन थापाले जानकारी दिए ।

केही दिनअघि कास्की प्रहरीले लागुऔषधसहित युवालाई पक्रेको थियो । पक्राउ परेका युवाले नै बयानका क्रममा उक्त लागुऔषध श्रेष्ठको फार्मेसी बाट खरिद गरेको बताएका थिए । त्यसकै आधारमा श्रेष्ठ पक्राउ परेका हुन् । उनलाई भोलि अदालत लगेर म्याद थप गर्ने तयारी भैरहेको प्रहरीले जनाएको छ ।