काठमाडौं । चलचित्र ‘रावायण’ र ‘देवी’ गत शुक्रबार प्रदर्शनमा आएका चलचित्र हुन् । यी दुई चलचित्रमा ‘देवी’ले न्यून शो पाउँदा ‘रावायण’ले उच्च शो पाएको थियो । 

तर, यी दुवै चलचित्रलाई दर्शकको उत्साहजनक साथ मिलेन । ‘रावायण’ले अष्टनारायण लगायत केही हलमा शुक्रबार उत्साहजनक साथ पाए पनि त्यसयता दर्शकको उल्लेख्य उपस्थिति देखिएको छैन ।  

काठमाडौं, भक्तपुर र ललितपुरका केन्द्रमा रहेका हलमा पनि बुकिङ खासै देखिएको छैन । ललितपुरको लाविम, सुन्धाराको सिभिल र भक्तपुरको भाटभटेनीस्थित क्यूएफएक्सका हलमा दर्शकले खासैधेरे बुकिङ गरेको देखिएको छैन । 

७ : ४५ बजेको लाविममा शोमा ‘रावायण’का दुईवटा टिकट मात्रै बुकिङ भएको छ । ५ बजेको शो मा १४ र सवा ३ बजेको शो मा जम्मा ३३ वटा टिकट बुकिङ भएको छ । 

सिभिल मलको हलमा ७ बजेको शोमा ५ वटा टिकट बिक्री भएको छ । ४९९ सिटक्षमता भएको हलमा जम्मा पौने २ बजेसम्म जम्मा ५ वटा टिकटमात्रै बिक्री भएको हो । 

साढे २ बजेको शोमा ३८ वाट टिकट गएको छ । भक्तपुरको भाटभटेनीस्थिच हलमा ५ बजेको शोमा २ वटा टिकट बिक्री हुँदा २ बजेको शोमा २४ वटा टिकट बिक्री भएको छ । 

दरबार सिनेम्याक्समा २ वटा टिकट बिक्री हुँदा राइजिङ मलमा एउटा टिकट पनि बिक्री भएको छैन । सिटी स्क्वायर मलमा साढे ३ बजेको शोमा ४ र ७ : ४५ को शो पूरै खाली छ ।  

• चलचित्रमा स्टार मात्र भएर हुँदैन ‘गुदी’ पनि चाहिन्छ

‘रावायण’लाई सुदर्शन थापाले निर्देशन गरेका छन् । यो चलचित्रमा पल शाह, पूजा शर्मा, प्रियंका कार्की, प्रमोद अग्रहरि, निकिता चण्डक, प्रकाश शाह, कैलाश रावल, अर्जुनजंग शाहीलगायत कलाकारको अभिनय छ । 

‘रावायण’मा सुदर्शन थापाको कथा तथा शिवम अधिकारीको लेखन छ ।

‘देवी’लाई पनि दर्शकले साथ दिएनन् । सुरुमै न्यून शो पाएको यो सिनेमाले धेरै शो हटिसकेका छन् । भएका शोमा पनि दर्शकको उल्लेख्य उपस्थिति छैन । 

साढे १ बजेपछि काठमाडौं उपत्यकामा क्यूएफएक्समा ‘देवी’को जम्मा एक शो बाँकी छ । छाया सेन्टरमा रहेको साढे २३ बजेको शोमा २६ वटा टिकट बिक्री भएको छ । 

‘देवी’मा शिल्पा मास्के, गौरव पहारी, नाजिर हुसेन, टीका पहारी, प्रभाकर न्यौपानेलगायत कलाकारको अभिनय छ । क्राइम थ्रिलर जानरामा निर्माण भएको यो चलचित्रलाई सञ्जोग राईले निर्देशन गरेका छन् । 

‘देवी’को कथा निर्देशक सञ्जोग राई र अजय गौतमले लेखेका हुन् ।