site stats
बाह्रखरी :: Baahrakhari
कला
Global Ime bankGlobal Ime bank
कसरी स्वीकार गरे ‘साम्बाला’को प्रिमियरमा आउन अनुराग र नवाजुद्दिनले ? 

काठमाडौं । चलचित्र ‘साम्बाला’ हेर्न बलिउड निर्देशक अनुराग कश्यप र कलाकार नवाजुद्दिन सिद्दिकी नेपाल आउने भएका छन् । ‘साम्बाला’को प्रिमियरमा सहभागी हुन उनीहरू नेपाल आउन लागेका हुन् । 

“उहाँहरू मेरा साथी पनि हो । दुवैले चलचित्र हेर्न खोज्नु भएको थियो । तर विभिन्न कारणले मिलेन,” निर्देशक मिन भाम बाह्रखरीसँग भन्छन्, “अनुरागले हेर्न पाउनु भएको छैन । नवाजुद्दिनले बर्लिनमा हेर्न खोज्दा टिकट सोल्डआउट भएकाले हेर्न पाउनु भएन । सानो पर्दामा केही क्लिप्स हेरे पनि उहाँलाई ठूलो पर्दामा हेर्ने रहर थियो । त्यसैले म आफैँले उहाँहरूलाई बोलाएको हुँ ।” 

नवाजुद्दिनसँग सँगै काम गर्ने कुरा पनि पहिलादेखि नै भइरहेकाले प्रिमियरमा पनि सहभागी हुने र कामको योजना पनि बनाउने उद्देश्यले बोलाएको मिनले जानकारी दिए । 

‘साम्बाला’ भदौ २३ गते काठमाडौंमा प्रिमियर हुने भएको छ । मिनबहादुर भाम निर्देशित चलचित्र हेर्न उनीहरू भदौ २२ गते काठमाडौंमा आइपुग्ने छन् । उनीहरूलाई विशेष अतिथिका रूपमा बोलाइएको निर्माणपक्षले बताएको छ । 

‘साम्बाला’ भदौ २८ देखि रिलिज हुनेछ । चलचित्रको मुख्य भूमिकामा थिन्ले ल्हामो, कर्मालगायत मुख्य भूमिकामा छन् । 
 

प्रकाशित मिति: मंगलबार, भदौ १८, २०८१  १६:१४
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro