काठमाडौं । एमएडब्लू वृद्धि ग्रुपले नाडा अटो शोमा एक हजारभन्दा बढी दुई पांग्रे तथा चार पांग्रे सवारी बिक्री गरेको बताएको छ । एमएडब्लू ग्रुपले ग्राहकमा जगाएको विश्वास र विश्वसनीयताका कारण यो कोसेढुंगा पार भएको कम्पनीले जनाएको छ ।

एमएडब्लू ग्रुपले नेपाली अटोमोटिभ उद्योगमा विश्वसनीयता, रिलायबल तथा इन्नोभेटिभ ब्रान्ड विस्तार गर्दै आएको बताएको छ ।

भदौ ११ देखि १६ गतेसम्म ६ दिन चलेको नाडा अटो शोमा ग्रुपले यामाहा, फोटोन, सोकोन, डोङफेङ, नामी, चांगन, दीपाल, अवतार र सेरेस लगायतका ब्रान्डहरूको लाइनअप प्रदर्शनमा राखेको बताएको छ।

ग्रुपका निर्देशक विष्णु अग्रवालले ग्राहकको अविश्वसनीय प्रतिक्रियाले आफ्नो अपेक्षा पुरा गरेको बताउँदै यो एमएडब्लुको टिमको कडा परिश्रम र समर्पण र ग्राहकको विश्वासको प्रमाण भएको बताए ।

एमएडब्लूका प्रबन्ध निर्देशक विवेक सिकरियाले यसले प्रतिनिधित्व गर्ने ब्रान्डहरूमा ग्राहकहरूको विश्वासको लागि कृतज्ञता व्यक्त गरे।