काठमाडौं । राष्ट्रिय खेलकुद परिषद्ले ६१औँ वार्षिकोत्सव मनाएको छ । परिषद्का सदस्य सचिव टंकलाल घिसिङले दीप प्रज्वलन गर्दै खेलकुदलाई नयाँ उचाईमा पुर्‍याउनु पर्ने चुनौती रहेको बताए । 

सबै खेलकुदकर्मीहरूलाई शुभकामना दिँदै सदस्य सचिव घिसिङले वार्षिकोत्सवको मूल समारोह केही दिनपछि हुने जानकारी दिए । पहिलोपटक खेलकुद ऐन जारी भएको दिन भदौ १३ गते परिषद्ले आफ्नो स्थापना दिवस मनाउँदै आएको छ । 

मूल समारोह कार्यक्रममा खेलाडी, प्रशिक्षक, कर्मचारी तथा खेल संघ र सहयोगी संस्थाहरूलाई सम्मान गर्दै आएको छ । २०२१ भदौ १३ गते पहिलो खेलकुद ऐन जारी भएको थियो । २०१५ सालमा स्थापना भए पनि छुट्टै ऐन जारी भएको दिनलाई परिषद्ले स्थापना दिवस मान्दै आएको छ ।