यही समाजले भन्छ–
प्रेम, करुणा र समभावले
मानवीय जीवनलाई अमूल्य बनाउँछ
प्रेमको दियोले
अन्धकारमा रुमलिएको जीवनलाई 
संसार उज्यालो  देखाउँछ्र
बाती, तेल, दियालो, आगो सबै छ
तर,
प्रेमको दीप जल्छ जल्दैन ?
कानुनले विभेद, निषेध गरेको छ ।

ए समाज, भनिदेन !
अब पवित्र प्रेममा
छोइछिटो चल्छ चल्दैन ?
कुरीति, कुप्रथा, कुसंस्कार
कुविचारको हावाहुरीसँग लड्दै
यही अन्धकारमा जल्न लागेको
प्रेमको दियो
जातीय भेदभावको
सुनामीले हिजो ढल्यो, निभ्यो
यही धरातलमा,
यही परिवेशमा
अब फेरि ढल्नुपर्छ पर्दैन ?

ए समाज, भनिदेन !
प्रेम, करुणा र समभावको दियो
अब यहाँ सहज बल्छ बल्दैन ?