काठमाडौं । संसदीय छानबिन विशेष समितिले सहकारीको रकम अपचलनमा मुछिएका राष्ट्रिय स्वतन्त्र पार्टी (रास्वपा)का सहमहामन्त्री विपीनकुमार आचार्यसँग बयान लिएको छ । आइतबार सिंहदरबारमा बसेको समिति बैठकमा उक्त विषयमा आचार्यसँग बयान लिइएको हो ।

सुप्रिम बचत तथा ऋण सहकारीको रकम अपचलनमा आचार्य मुछिएका छन् । सहकारीबाट ०७८ पुस १२ गते उनका नाममा एक करोड ५६ लाख १५ रुपैयाँ हजार ऋण स्वीकृत भएको र उक्त रकम गोर्खा मिडिया नेटवर्क प्रालिको खातामा जम्मा गरिएको आरोप छ ।

उनको बयानलाई सम्बन्धित व्यक्तिको हस्ताक्षरसहित रेकर्डमा राखिएको छ । सरोकारवाला निकायलगायत सहकारीको रकम ठगीमा मुछिएकालाई कारागारबाट झिकाएर पनि समितिले निरन्तर छलफल गरिरहेको छ ।

छलफलका साथै प्रतिवेदनको मस्यौदा निर्माणको काम समेत निरन्तर भइरहको समितिका संयोजक सूर्य थापाले जानकारी दिए ।

गएको जेठ १५ गते सहकारीको बचत रकम अपचलनसम्बन्धी छानबिन गर्न संसदीय छानबिन समिति गठन गरिएको थियो । हिमालयन टेली भ्वाइस