लसएञ्जेल्स । लसएञ्जेल्स–न्युयोर्कको उडानमा रहेको अमेरिकन एयरलाइन्सको एउटा उडानमा एक महिला यात्रुको टाउकोमा जुम्रा घस्रिदै गरेको देखेपछि सो उडानको फोइनिक्समा आपत्‌कालीन अवतरण गराइएको छ ।

एक यात्री इथान जुडेल्सनले टिकटकमा यससम्बन्धी अनुभव सेयर गरेका छन् । त्यसले यात्रुहरूमा अन्योल र अनिश्चितता भएको उनले जनाएका छन् । विमान किन अवतरण गराइएको भनेर वास्तविक कारण खुलाएको थिएन ।

उनका अनुसार ‘क्रु’ले सो अवसरमा कम मात्रै सूचना दिएकोले यात्रुहरू अलमिलएको जनाएका छन् । सो घटना गएको जुनको भए पनि हालैमात्र विवरण सार्वजनिक भएको हो । 

विमान आपत्‌कालीन अवतरण गराइएपछि आफूहरूले यात्रुहरूबीच मसिनो स्वरमा कुराकानी भएको सुनेको जुडेल्सनले बताएका छन् । प्रत्यक्षदर्शीका अनुसार दुई यात्रुले महिलाको टाउकोमा जुम्रा घस्रिदै गरेको कुरा फ्लाइट एटेडेन्टलाई बताएका थिए । 

जब यात्रुहरू फोएनिक्समा उत्रिए त्यसपछि उनीहरूलाई इमेल आएको थियो । इमेलमा यहाँ तपाईंहरूको होटेल भौचर छ भनिएको थियो । यस्तै, विमान कम्पनीले खर्च १२ डलर पनि दिएको बताइएको छ । अमेरिकन एयरलाइन्सले पछि वक्तव्य जारी गर्दै सो उडान मेडिकल इमर्जेन्सीका कारण डाइभर्ट गरिएको जनाएको थियो ।

पिपुललाई अमेरिकन एयरलाइन्सका प्रवक्ताले पठाएको वक्तव्यमा सो दिन विमान डाइभर्ट गर्नुमा ग्राहकलाई मेडिकल आवश्यकता पूरा गर्नु भएको जनाइएको छ । तर, जुम्राको प्रसंग भने उल्लेख गरिएको छैन । एजेन्सी