काराकास । भेनेजुएलाका राष्ट्रपति निकोलस मादुरोले ‘उत्तर अमेरिकी साम्राज्यवादी र फाँसीवादी अपराधीहरूले’ जबर्जस्ती गरिरहे आफू जनतालाई ‘नयाँ क्रान्ति’को आह्वान गर्न पछि नपर्ने धम्की दिएका छन् ।

हालै भएको निर्वाचनमा उनले पुनः आफूलाई राष्ट्रपतिमा विजयी भएको घोषणा गरेका थिए । त्यसपछि विपक्षी पार्टीहरूले देशव्यापी आन्दोलन गरिरहेका बेला उनले पछिल्लो धम्की दिएका हुन् ।

पछिल्लो निर्वाचन परिणामलाई अमेरिका र अरू केही मुलुकले मान्यता दिन अस्वीकार गर्दै आएका छन् । उनले अन्तर्राष्ट्रिय पत्रकारका निम्ति बुधबार आयोजित पत्रकार सम्मेलनमा त्यसखालको अभिव्यक्ति दिएका हुन् ।

अमेरिकी राष्ट्रिय सुरक्षाका प्रवक्ता जोहन किर्बीले सफा ढंगले आउन मादुरोलाई सल्लाह दिएका छन् । त्यसका निम्ति हालै सम्पन्न निर्वाचनको पूर्ण र विस्तृत डेटा बाहिर ल्याउन उनले आग्रह गरेका छन् । यसो गरिए सबैले निर्वाचनको परिणाम हेर्न सक्ने उनले बताएका छन् ।

देशव्यापी रूपमा आन्दोलनका क्रममा मृत्यु भएको २० विश्वसनीय रिपोर्ट पाएको ह्युमन राइट्स वाचले जिकिर गरेको छ । फोरो पेनल नामको एक स्थानीय गैरसरकारी संस्थाले मंगलबार गरेको रिपोर्टअनुसार प्रदर्शनका क्रममा ११ जनाको मृत्यु भएको छ । सीएनएनबाट ।