क्यालिफोर्निया । अमेरिकाको उत्तरी  क्यालिफोर्नियामा घण्टामा ५ हजार एकड जमिन छिचोल्ने गतिमा आगलागी तीव्र गतिमा बढेको छ ।

सो आगलागी गएको बुधबार सुरु भएको हो । कसैले सो आगो सल्काएको आशंका गरिएको छ । अहिलेसम्म उत्तरपूर्वी सिको क्षेत्रको तीन लाख ४८ हजार एकड जमिनमा आगो लागेको जनाइएको छ । सो आगलागी नियन्त्रणका लागि २५०० अग्नि नियन्त्रक खटिएका छन् ।

बुट्टे काउन्टीको एलिगेटर होल नजिकैको नालीमा जलिरहेको कार गुडाएर आगजनी गरेको आशंकामा बिहीबार ४२ वर्षीय एक व्यक्तिलाई पक्राउ गरिएको थियो  ।

यो वर्ष सो राज्यमा भएको यो सबैभन्दा ठूलो आगलागी हो । बीबीसी