काठमाडौं । नेपाल राष्ट्र बैंकले सेयर धितो कर्जामा लगाएको २० करोड रुपैयाँको संस्थागत सीमा हटाएको छ । आर्थिक वर्ष २०८१/०८२ को मौद्रिक नीतिमार्फत संस्थागत २० करोडको सीमा हटाएको भए पनि व्यक्तिगत सीमा नहटेको राष्ट्र बैंकका गभर्नर महाप्रसाद अधिकारीले बताए । 

पुँजी बजारमा लगानी गर्ने संस्थाहरूका लागि लगाइएको २० करोडको क्याप हटाइएको उनले बताए । तर, व्यक्तिगत रूपमा लिइने १५ करोडसम्मको सीमा भने यथावत राखिएको गभर्नर अधिकारीले बताए ।