![तीन गुणाले बढ्यो ईभीको आयात, २९ अर्बका ११ हजार गाडी भित्र्याइयो](https://12khari.top/uploads/posts/EV-In-Nepal1687147418-1700740975.jpg)
काठमाडौं । गएको एक वर्षमा ११ हजारभन्दा बढी विद्युतीय गाडी (ईभी) नेपाल भित्र्याइएको । आर्थिक वर्ष २०८०/०८१ म ११ हजार ७०१ ईभी नेपाल भित्र्याइएको भन्सार विभागले जनाएको छ ।
यो संख्या अघिल्लो वर्षको तुलनामा झन्डै तीन गुणाले बढी हो । अघिल्लो आर्थिक वर्ष २०७९/०८० मा कुल चार हजार ५० विद्युतीय गाडी आयात गरिएको थियो ।
यी गाडीको आयात मूल्य २९ अर्ब ४८ करोड २७ लाख ९४ हजार रुपैयाँ छ । यसबाट सरकारले १३ अर्ब २८ करोड ६७ लाख १३ हजार रुपैयाँ राजस्व संकलन गरेको छ ।
सबैभन्दा धेरै ५१ देखि १०० किलोवाट क्षमताका ६ हजार ८८५ ईभी नेपाल भित्र्याइएको छ । दोस्रोमा ५० किलोवाट क्षमतासम्मका चार हजार ५७१ जीप, भ्यान र कार आयात गरिएको विभागले जनाएको छ ।
विभागका अनुसार, उक्त अवधिमा चीनबाट मात्र आठ हजार ६५ विद्युतीय गाडी भित्र्याइएको छ । दोस्रोमा भारतबाट तीन हजार ३७७ विद्युतीय गाडी आयात गरिएको छ ।