![एमालेसँगको सहमतिमा कांग्रेसबाट तलमाथि हुँदैन : गगन थापा](https://12khari.top/uploads/posts/gagan-thapa1-1721469600.jpg)
काठमाडौं । नेपाली कांग्रेसका महामन्त्री गगनकुमार थापाले नेकपा (एमाले)सँगको सहमतिलाई आफूहरूले इमानदारी साथ कार्यान्वयन गर्ने बताएका छन् ।
बीपी स्मृति दिवसका अवसरमा शनिबार काठमाडौंमा आयोजित कार्यक्रममा उनले सरकार निर्माणका क्रममा एमालेसँग गरिएको सहमतिमा कांग्रेसका तर्फबाट तलमाथि नहुने स्पष्ट पारे । उनले अबका दुई वर्ष प्रधानमन्त्री केपी शर्मा ओलीको नेतृत्वमा नै सरकारले निरन्तरता पाउने जिकिर गरे ।
एकले अर्कालाई ढाँट्ने, झुक्याउने र धोका दिने परिपाटी यसअघि देखिएकाले मुलुकलाई स्थिरता दिन ठूला दलहरू एक ठाउँमा आउनुपरेको उनले बताए । वर्तमान सरकार शंका र संशयबाट मुक्त हुनुपर्नेमा उनले जोड दिए ।
उनले मुलुकलाई समृद्धितर्फ अगाडि बढाउन अवसर प्राप्त भएकाले यसमा गम्भीर भएर अघि बढ्नुपर्ने उल्लेख गरे । हिमालयन टेली भ्वाइस