काठमाडौं । माछापुच्छ्रे बैंकले नेपाली बैंकिङ उद्योगमा नै पहिलोपटक आफ्ना ग्राहकका लागि अमेरिकन डलरमा नियोन क्रेडिट कार्ड सेवा सञ्चालनमा ल्याएको छ । 

आधुनिक जीवनशैलीमा व्यस्त तथा देश विदेश यात्रा गर्ने ग्राहकलाई लक्षित गर्दै ल्याएको ‘नियोन क्रेडिट कार्ड’को डिजाइन तथा आवरणमा बजारमा उपलब्ध अन्य कार्डभन्दा भिन्नै रहेको बैंकले जनाएको छ ।

बैंकले ‘ग्लो विथ कन्फिडेन्स’ ट्यागलाइनसहित बजारमा ल्याएको नियोन क्रेडिट कार्ड भिसाद्वारा सञ्चालित विश्वव्यापी स्वीकार्य विद्युतीय भुक्तानी माध्यम भएको बैंकले जनाएको छ ।

यो कार्ड प्रयोग गर्ने ग्राहकले नेपालभरका विभिन्न ३५० भन्दा बढी मर्चेन्टमा विविध वस्तु तथा सेवाको उपभोग र किनमेल गर्दा विशेष छुट तथा क्यासव्याक अफर पाउने बैंकले बताएको छ । यस्तै, पाँच हजार रुपैयाँ वा सो बराबरको ट्याप एन्ड पे (क्यासलेस) कारोबार समेत गर्न सक्नेछन् ।

यसको प्रयोगबाट मिल्ने आफरहरूको जानकारी वेबसाइट, सामाजिक सञ्जालमार्फत ग्राहकलाई निरन्तर मिल्ने बैंकले जनाएको छ । कार्डबाट सीमित अवधिका लागि सुपरमार्केट, होटेल, रेष्टुरेन्ट तथा विविध फ्रेन्चाइज आउटलेट्स आदिमा विशेष छुट तथा अफर सुविधाहरू उपलब्ध गराउने बैंकले बताएको छ ।