काठमाडौं । केई मोटर्सको आधिकारिक वितरक लक्ष्मी ई–मोविलिटी प्राइभेट लिमिटेडले इलेक्ट्रीक एसयूभी एक्स–३ प्रोको बुकिङ खुला गरेको छ ।  कम्पनीले काठमाडौंको भाटभटेनीमा सुविधा सम्पन्न सोरुम सञ्चालनमा ल्याउँदै बुकिङ खुला गरेको हो । 

कम्पनीले सुरुमा एक्स–थ्री प्रो मोडलका दुई भेरियन्टका लागि बुकिङ खुला गरिएको बताएको छ । केई एक्स–३ प्रोको डिलक्स र फ्ल्यागसिप भेरियन्ट उपलब्ध रहेको छ । डिलक्स भेरियन्टको मूल्य ४६ लाख ९६ हजार र फ्ल्यागसिप भेरियन्टको ४८ लाख ९६ हजार रुपैयाँ रहेको छ ।

कटिङ एज टेक्नोलोजी, स्लिक डिजाइन र उत्कृष्ट पर्फमेन्स दिनसक्ने एक्स–३ प्रो मोडल कम्प्याक्ट एसयूभी सेग्मेन्टमा विशेष मोडल बन्ने कम्पनीको विश्वास छ । 

गाडीमा ५३.६ किलोवाट आवर क्षमताको लिथियम आयोन फस्फेट ब्याट्री छ । १२० किलोवाट क्षमताको मोटर रहेको गाडीको अधिकतम टर्क २८० एनएम छ । सीएलटीसीका अनुसार गाडीले ४०१ किलोमिटर रेन्ज दिनेछ । 

गाडीलाई सात किलोवाट क्षमताको एसी चार्जरले आठ घन्टामा र १०० किलोवाटसम्मको चार्जर सपोर्ट गर्ने एसयूभीलाई ३० मिनेटमा ३० देखि ८० प्रतिशतसम्म चार्ज गर्न सकिने कम्पनीले जनाएको छ ।

एक्स–३ प्रो मोडलको लम्बाई ४४०० मिलिमिटर, चौडाई १८३१ मिलिमिटर र उचाई १६५३ मिलिमिटर रहेको छ । पाँच सिट क्षमताको एसयूभीमा २६३२ एमएम लामो ह्वीलवेस छ । यसको अगाडि म्याकफेर्सनको इन्डिपेन्डेन्ट सस्पेन्स र पछाडि मल्टी लिङ्क इन्डिपेन्डेन्ट सस्पेन्स छ । १८३ एमएमको ग्राउन्ड क्लियरेन्स रहेको गाडी पाँच रङमा उपलब्ध छ । 

केई एक्स–३ प्रोमा सबै एलईडी लाइट र १०.२५ इन्चको आधुनिक इन्फोटेन्टमेन्ट सिस्टम, सात इन्चको एलसीडी इन्फर्मेशन क्लष्टर, इन्टेलिजेन्ट स्काईरुफ, ड्यूल जोन एसी, वायर लेस चार्जर, पावर एड्जस्टेवल ड्राइभर सिट रहेको कम्पनीले जनाएको छ । गाडीमा एयरब्याग, ३६० डिग्री क्यामेरा, टायर प्रेसर मोनिटरिङ सिस्टम छ । 

यस्तै, गाडीमा एडासभित्र विशेष गरी हिल होल्ड एसिस्ट, हिल डिसेन्ट कन्ट्रोल, क्रुज कन्ट्रोल, इबीडीसहितको एबीएस ट्रयाक्सन कन्ट्रोल सिस्टम रहेको छ । कम्पनीले ब्याट्रीसहित सबै किसिमका मोटरलगायत इलेक्ट्रीकल कम्पोनेन्टमा आठ वर्षको वारेन्टी दिने बताएको छ ।

ग्राहक महानुभावहरूले केई एक्स् थ्री प्रोको विस्तृत जानकारी लिन ९८०१२०१५०८ मा सम्पर्क गर्न सकिनेछ । साथै, टेस्ट ड्राइभ गर्न भाटभटेनीस्थित सोरुममा जान सक्नेछन् ।