खेल
![काठमाडौं महानगरले सानो गौचरण र चाबहिलमा विश्वकप क्रिकेटको लाइभ गर्दै](https://12khari.top/uploads/posts/worldcupcricket_sunilpradhan_12khariphoto-13-1717523105.jpg)
काठमाडौं । काठमाडौं महानगरपालिकाले हाँडीगाउँको सानो गौचरण र चाबहिलको गणेशस्थान फुटबल मैदानमा विश्वकप क्रिकेटको लाइभ गर्ने भएको छ ।
आईसीसी टी–२० विश्वकप क्रिकेटअन्तर्गत बुधबार बिहान नेपाल र श्रीलंकाबीचको खेल हुँदै छ ।
खेल अमेरिकाको फ्लोरिडास्थित सेन्ट्रल ब्रोवार्ड रिजनल पार्क स्टेडियममा नेपाली समयअनुसार बिहान ५ः१५ बजे सुरु हुनेछ ।
सबै खेलप्रेमी दर्शकलाई एउटै ठाउँमा ल्याएर उत्साहजनक वातावरणमा खेल हेर्न ठूला एलईडी स्क्रिनमा खेलको लाइभ गर्न लागिएको महानगरले जनाएको छ ।
![Global Ime bank](https://baahrakhari.com/uploads/bigyaapan/30885600.gif)
यसअघि भएको नेपाल र नेदरल्यान्ड्सबीचको खेल टुँडिखेल, हाँडीगाउँ डबली र तीनकुनेमा लाइभ गरिएको थियो ।
प्रकाशित मिति: मंगलबार, जेठ २९, २०८१ २३:००
प्रतिक्रिया दिनुहोस्