काठमाडौं । ग्लोबल मिडिया अर्गनाइजेसन टाइम आउटले विश्वको सबैभन्दा राम्रो खानाका परिकार पाइने सहरहरूको सूची सार्वजनिक गरेको छ । सूचीको पहिलो नम्बरमा इटालीको सहर नेपल्स छ । नेपल्स पिजाका निम्ति विश्वविख्यात छ ।

त्यसपछि क्रमैसँग दक्षिण अफ्रिकाको जोहानेसबर्ग, पेरुको लिमा, भियतनामको होचिमिन्ह सिटी, चीनको बेइजिङ, थाइल्यान्डको बैंकक, मलेसियाको क्वालालम्पुर, भारतको मुम्बई र यूएईको दुबई सूचीमा छन् ।

यस्तै, सूचीमा अमेरिकाको पोर्टल्यान्ड, बेलायतको लिभरपुल, कोलम्बियाको मेडेलिन, स्पेनको सेभिल्ले, पोर्चुगलको पोर्टो, मोरक्कोको माराकेच, फ्रान्सको लियोन, अस्ट्रेलियाको सिड्नी, क्यानडाको मन्ट्रियल, जापानको ओसाका र डेनमार्कको कोपनहेगन रहेका छन् । सीएनएनबाट ।