काठमाडौं । सशस्त्र प्रहरी बलका प्रहरी निरीक्षक सुरज पौडेलले सगरमाथाको सफल आरोहण गरेका छन् । सोमबार बिहान १० बजेर २० मिनेटको समयमा उनले सगरमाथाको सफल आरोहण गरेका सशस्त्र प्रहरी बलका सहप्रवक्ता डीएसपी शैलेन्द्र थापाले जानकारी दिए । 

पौडेल सगरमाथामा आरोहणका लागि गएको चैत ३० गते त्यसतर्फ गएका थिए । उनले यसबीच  सगरमाथासँगै रहेको लुवुचे हिमालको समेत सफल आरोहण गरेका थिए । यही जेठ ३ गते पौडेलसहितको आरोहण टोली सगरमाथाको चुचुरोतर्फ प्रस्थान गरेको थियो ।