site stats
बाह्रखरी :: Baahrakhari
विदेश
Global Ime bankGlobal Ime bank
केजरीवालका निजी सचिवले सांसद स्वातिलाई थप्पड र छातीमा लात्ती प्रहार गरे 

नयाँ दिल्ली । नयाँ दिल्लीका मुख्यमन्त्री अरबिन्द केजरीवालका निजी सचिव विभव कुमारले आफूलाई कुटपिट गर्नुका साथै संवेदनशील स्थानमा लात्ती प्रहार गरेको भन्दै सांसद स्वाति मालिवालले प्रहरीमा उजुरी दिएकी छन् । 

पार्टीका राज्यसभाका सांसद स्वातिले प्रहरीमा दिएको उजुरीमा केजरीवालको निजी सचिवले सात आठपटक थप्पड हानेको र तानेर पेट, छाती र संवेदनशील अंगमा लात्ती प्रहार गरेको उल्लेख गरिएको छ । 

सो घटना यही मे १४ मा मुख्यमन्त्री केजरीवालको निवासमा भएको थियो । चिच्याउँदै ‘मलाई जान देऊ’ भने पनि आफूमाथि निरन्तर कुटपिट भइरहेको उनले बताएकी छन् । 

‘हामीले जानेका छौं’ भनेर धम्की समेत दिएको उनको भनाइ छ । उनले आफूलाई सुरक्षित गर्न उसलाई खुट्टाले धकेलेको समेत जनाएकी छन् । उसले त्यो बेलामा आफूलाई झम्टेको र आफूतिर तान्नुका साथै सर्टलाई माथि सारेको प्रहरीलाई उनले जानकारी दिएकी छन् ।

त्यसपछि आफू घरबाट भागेर बाहिर निस्केको र प्रहरीलाई फोन गरेको स्वातिले बताइन् ।  उनलाई प्रहरीले स्वास्थ्य जाँचको लागि एम्सको ट्राउमा सेन्टरमा लगेको थियो । आरोपी कुमारको दिल्लीको चन्द्रवार नगरमा भएको घरमा प्रहरी जाँदा उनी फेला परेका थिएनन् । उनलाई हिरासतमा लिनको लागि प्रहरीले खोजी गरिरहेको जनाइएको छ । उनले केजरीवाललाई दोष नदिए पनि घटना भएको बेलामा घरमै भएको भने बताएकी भारतीय सञ्चार माध्यमले जनाएका छन् ।
 

प्रकाशित मिति: शुक्रबार, जेठ ४, २०८१  १४:१४
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro