जकार्ता । ज्वालामुखीबाट आएको बाढी र चिसो लाभाका कारण पश्चिमी इन्डोनेसियाको सुमात्रा द्वीपमा ३७ जनाको मृत्यु भएको छ । शनिबार घण्टौँको वर्षाले मारापी पर्वतबाट ढुंगा र खरानी बगाएको थियो । मारापी सुमात्राको सक्रिय ज्वालामुखी जाने क्षेत्र हो ।

चिसो लाभाले दुई जिल्ला डुबानमा परेको छ । त्यसकै कारण मानिसको मृत्यु हुनुका साथै १०० घर, मस्जिद र सार्वजनिक सुविधा क्षतिग्रस्त भएको छ ।

अधिकारीहरूले मृत्यु हुनेको संख्या अझै बढ्न सक्ने बताएका छन् । अझै १८ मानिस हराइरहेका छन् । ज्वालामुखीमिश्रित पदार्थ र ढुंगाहरू वर्षाको समयमा बगेर आवासीय क्षेत्रतर्फ आउँदा यस्तो अवस्था उत्पन्न भएको हो ।

“मैले गडगडाहटको आवाज सुनेँ, जुन आवाज उम्लिएको पानीको जस्तो थियो । यो आवाज मारापी पर्वतबाट झरेको ठूलो ढुंगाको थियो,” आगम जिल्लाकी ४३ वर्षीया गृहिणी रिना देभिनाले एएफपीसँग भनिन् ।

उद्धार दलका सदस्यले आइतबार अपराह्नसम्म १९ शव स्थानीय आगम र नौ शव तानाह दातार जिल्लामा फेला पारेका थिए । बीबीसीबाट ।