इलाम । फाकफोकथुम गाउँपालिका र चुलाचुली गाउँपालिकाको तीन वडाको मतगणना हुँदा रास्वपाले एक हजार मत प्राप्त गरेको छ ।
फाकफोकथुमबाट ६४५ मत पाएको रास्वपाका उमेदवार मिलन लिम्बुले चुलाचुलीको १, २ र ३ नम्बर वडाबाट ३५५ मत पाएका छन् । यो सँगै उनको मत एक हजार पुगेको छ ।
भर्खरै चुलाचुलीको वडा नम्बर ३ को मतपरिणाम सार्वजनिक भएको छ । प्राप्त तथ्यांकअनुसार तीन वडाको ६ हजार ४४४ मत गणना हुँदा एमालेले अग्रता कायमै राखेको छ । एमाले उमेदवार सुहाङ नेम्वाङले तीन वडाबाट एक हजार ९९० मत प्राप्त गरेका छन् । उनले कुल ६ हजार ४०३ मत पाएका छन् ।
यस्तै, दोस्रो स्थानमा कांग्रेस छ । कांग्रेसका उमेदवार डम्बर खड्काले यहाँबाट एक हजार ५२२ मत पाएका छन् । उनको कुल मत ४७८० रहेको छ । अर्थात् सुहाङ एक हजार ६२३ मतले अघि लागेका छन् ।
यी तीन वडाबाट स्वतन्त्र उमेदवार डकेन्द्रसिंह थेगिमले दुई हजार २२५ मत पाउँदा कुल मत तीन हजार १८८ मत पाएका छन् ।
