काठमाडौं । हिमालय एयरलाइन्सले ‘स्टेप टुवार्डस् एजुकेसन’ अभियान जारी राखेको छ । संस्थागत सामाजिक उत्तरदायित्वको मुख्य उद्देश्यलाई पालना गर्दै उक्त अभियानलाई जारी राखेको कम्पनीले जनाएको छ । 

“सन् २०१७ देखिको यो पहल कम्पनीको संस्थागत सामाजिक उत्तरदायित्व प्रयासहरूको मुख्य कोसेढुंगा रहेको छ जसको उद्देश्य विपन्न तथा अनाथ बालबालिकाहरूलाई शिक्षाको माध्यमबाट सशक्तिकरण गर्ने हो,” कम्पनीले जारी गरेको विज्ञप्तिमा भनिएको छ । 

यस वर्ष शैक्षिक सत्रको प्रारम्भमा नै अप्रिल १० मा एयरलाइन्सले आफ्नो वार्षिक गतिविधि सञ्चालन गरेको ओ । उक्त अवसरमा ब्रान्ड विभाग प्रमुख उज्ज्वला दलीले प्रयास नेपालका बालबालिकाहरूलाई विभिन्न कक्षाका लागि पाठ्यपुस्तक, नोटबुक, स्कुल झोला र स्कुल जुत्तालगायत आवश्यक शैक्षिक सामग्री हस्तान्तरण गरेकी छन् । 

वार्षिक सहायताका अतिरिक्त, बालबालिकाको ज्ञान अभिवृद्धि गर्न र उड्डयन इतिहासको संक्षिप्त जानकारी गराउन कम्पनीले ले काठमाडौंको सिनामंगलस्थित उड्डयन संग्राहालयको स्थलगत भ्रमणको आयोजना गरेको थियो । विपन्न तथा अनाथ बालबालिकाहरूलाई उड्डयनको संसार चिनाउने प्रत्यक्ष अवसर प्रदान गरेर कम्पनीले उनीहरूको जिज्ञासालाई प्रज्वलित गर्ने र परम्परागत कक्षाकोठाको सिकाइभन्दा बाहिर तिनीहरूको क्षितिज फराकिलो बनाउने लक्ष्य राखेको कम्पनीले जनाएको छ । 

हिमालयको संस्थागत सामाजिक उत्तरदायित्व अन्तर्गतका गतिविधिको परोपकारी उद्देश्यलाई कदर गर्दै उड्डयन संग्राहालयले पनि बालबालिकाहरूका लागि निःशुल्क प्रवेशसँगै भ्रमणका दौरान उत्कृष्ट मार्गदर्शनको व्यवस्थासहित सहयोग गरेकको कम्पनीले उल्लेख गरेको छ ।