काठमाडौं । राष्ट्रियसभा उपाध्यक्षमा नेपाली कांग्रेसकी सांसद विष्णुदेवी पुडासैनीलाई निर्वाचित गरियोस् भन्ने प्रस्ताव अस्वीकृत भएको छ ।

बुधबारको राष्ट्रियसभा बैठकमा मतविभाजन हुँदा पुडासैनीलाई निर्वाचित गरियोस् भन्ने प्रस्तावको पक्षमा १६ मत पर्‍यो । विपक्षमा ३९ मत परेको छ । बैठकमा ५५ सांसद उपस्थित थिए ।

बैठकमा अध्यक्ष नारायण दाहालले पुडासैनीको पक्षमा परेको मत बहुमत नभएकाले अस्वीकृत भएको जानकारी दिए । राष्ट्रिसभा उपाध्यक्षको अर्को उमेदवार विमला घिमिरेलाई निर्वाचित गरियोस् भन्ने प्रस्ताव प्रक्रिया गएको छ ।