काठमाडौं । राष्ट्रियसभा उपाध्यक्ष पदमा नेपाली कांग्रेसकी विष्णुदेवी पुडासैनीले उमेदवारी दिएकी छन् । उनले आज उमेदवारी दर्ता गराएकी हुन् । 

उनको प्रस्तावकमा दुर्गा गुरुङ र समर्थकमा नारायणदत्त भट्ट छन् । पुडासैनी गत माघमा राष्ट्रियसभामा निर्वाचित भएकी थिइन् । महिला क्लस्टरका सातजनामध्ये वाग्मती प्रदेशबाट पुडासैनी निर्वाचित भएकी हुन् । पुडासैनी ७३ वर्षीया सांसद हुन् । संघीय संसद् सचिवालयले उनको उमेदवारी दर्ता गराएको हो ।

२०३३ सालमा पद्मकन्या क्याम्पसमा पढ्दादेखि नै उनी राजनीतिमा सक्रिय भएकी थिइन् । २०४९ सालमा उनी काठमाडौंको तत्कालीन भद्रवास गाविसको अध्यक्षमा पनि निर्वाचित भएकी थिइन् ।