काठमाडौं । सिसडोल–बन्चरेडाँडावासीको आन्दोलनमा ऐक्यबद्धता जनाउन प्रतिनिधिसभा सदस्य समेत रहेका नेपाली कांग्रेसका केन्द्रीय सदस्य अर्जुननरसिंह केसी पुगेका छन् । शनिबार बन्चरेडाँडा पुगेर उनले सिसडोल–बन्चरेडाँडावासीको आन्दोलनमा ऐक्यबद्धता जनाएका हुन् ।

उनले ल्यान्डफिल साइटको विषय काठमाडौं र नुवाकोटको मात्र नभई राष्ट्रिय सरोकारको भएकाले फोहोर व्यवस्थापनबारे बन्चरेडाँडामा भइरहेको गतिविधि सबैले थाहा पाउनुपर्ने बताए । “फोहोर व्यवस्थापनको विषय नुवाकोट र काठमाडौंको मात्रै विषय होइन, राष्ट्रिय सरोकारको विषय हो । राष्ट्रिय सरोकार र हरेक नेपालीको चिन्ताको विषय हो,” उनले भने ।

बन्चरेडाँडा ल्याण्डफिल साइट प्रभावित क्षेत्र सरोकार समिति (नुवाकोट–धादिङ)ले यसअघिका सहमति कार्यान्वयन र ‘मानवबस्तीरहित ल्यान्डफिलसाइट विकास क्षेत्र’ घोषणाको माग गर्दै शनिबार फोहोर विसर्जनमा अवरोध गरेको गरेका थिए ।